Om klinikken

Med eit hjarte for dyr og ei sterk lokal forankring, ønskjer vi å gi både to- og firbeinte ei god oppleving – kvar gong dei kjem inn døra.

Vår historie

Ørsta Volda Dyreklinikk vart etablert i år 2000 av Siw Lødemel, og starta som eit lite veterinærkontor heime i kjellarenen i Åmdalen. Sidan den tid har det vore eit viktig tilbod for dyreeigarar på Søre Sunnmøre – og for mange som kjem langvegsfrå.

Klinikken starta i det små, men har med åra utvikla seg til ein moderne og velutstyrt klinikk med lett tilgjengelege lokale i Strandgata 2, Ørsta. I dag består teamet vårt av 11 faste tilsette – veterinær, dyrepleiar og klinikkassistentar – som saman tek imot alt frå enkle kontrollar til meir avanserte behandlingar.

Vi ønskjer å vere ein klinikk der folk kjenner seg velkomne, der dyra blir tekne godt vare på, og der eigar kan vere trygg på at kjæledyret får den beste hjelpa vi kan gi.